我⋯⋯本身諗住過吓口癮，真係諗吓架咋，點知架小巴搞到PND喺千色落車，然後仲要經過佢，仲要見到平時坐滿人嘅小店有1個吉位，今次仲唔輪到我上馬？
呢間千色廣場地下嘅西式甜品店其實係法國雪山咖啡嘅甜品店，招牌甜品當然唔少得「千層芝士焗薯餅」、「白朗峰」同「千層蛋糕（要訂）」啦！唔止甜crepes，仲有多款鹹法式薄烤餅、法式窩夫、冷熱飲品同小食等都幾經典！
小店非常細，設一張二人枱、兩個吧枱位，外賣食，風味都唔錯，而且佢地堅持所有窩夫同班戟一定要即叫即整，熱辣辣地食，所以潮友等食時間大概需要5-10分鐘。PND要咗《朱古力crepe》$28！
因為想早啲返屋企，最後都係外帶邊行邊食。
我同自己講，三啖。食三啖好停喇！第一啖係熱辣辣好有蛋香嘅crepe；第二啖係佢地自家新鮮打嘅爆量咁多嘅全脂cream，店員話堅持唔用防腐劑，等潮友可以安心地食，啲忌廉打成咁香咁軟滑，我點減肥，今舖真係想全脂燃都難喇😖....第三啖係遇熱變成液態流出嚟嘅Nutella(我仲口痕地加$食埋小店出名嘅焦糖)⋯⋯ 最後我食到淨返張紙。完。
法國雪山甜品屋
電話：51282979
星期一至星期日 11:00-21:30
#PND元朗 #PND西式 #PND甜品 #PND外賣
@元朗千色廣場地下34號舖
Search